فول العربية البيتي "
فول مدمس بيتي و من غير دماسة في الحلة تحفة و سر عربية الفول
و إن خلص الفول أنا مش مسئول
النهاردة هنعمل مع بعض وصفة الفول المدمس البيتي بمكونات بسيطة و من غير أي إضافات
إلي كتير منا بيحطها و كأنك بتطبخي مش بدمسي فول ... الفول المدمس أبسط من كدة بكتير علشان كدة فول العربية و إلي في محلات الفول دايما بمراقبة مختلف و بسيط و الحبة كامله ماسكة نفسها و ملفوف كدة تحس كريمي مش سائل مية ....
و علشان كدة هقولك النهاردة علي كل تكات و أسرار فول العربية و أية هو السر ألي الراجل بتاع بيحطة علي الفول
المقادير :
( نصف كيلو فول + ربع كوب عدس أصفر + ربع كوب بليلة إلا هو قمح كامل + معلقة متوسطة ثوم مفروم ناعم + ماء مغلي لتغطية وتسوية الفول ).
و سر عربية الفول أو فول المحلات :
( ٣ معلاق صغيرة دقيق أبيض عادي مذوبين في شوية مية صغيرة + ذرة لون بودرة زعفران+ معلقة كبيرة صلصة طماطم ).
الطريقة :
أول حاجة ممكن تضعفي الكمية زي ماتحبي ، و في بيحطوا شوية فول مدشوش بس انا ما بحب و كمان أنا لا بحط لا رز و لا جزر و لا طماطم و اي حاجة من دي ... الموضوع بسيط .
و بعدين تغسلي الفول و البليلة و العدس و تنقعية بس لمدة ساعتين مش اكتر من كدة علشان في تسوية الفول تفضل الحبة كاملة و مستوية زي الجاهز من غير ما تقشر .
و بعدين في حلة كبيرة نحط كل المقادير و نغطيها بالماء المغلي كتييير و نسيبها تغلي و تستوي طعلي نار عالية في أول وبعدين علي نار هادئة يتكك مع بعض بالشكل ده .
و كل شوية نقلب علشان ما يلزق من تحت و يشيط خلي بالك
و بعدين بعد لما يكون خلاص إستوي وقبل لما أقفل علية بي ربع ساعة أنزل علية بالخلطة السرية و هيا الدقيق مذوب في الماء و علية معلقة الصلصة و ذرة بودرة الزعفران لو تحبي ، و تقلبي
هتلاقي الفول خد لون روعة و بدأت المية المفصولة عن الفول تلف و تاخد القوام الرهيب بتاع الفول الجاهز إلي بنستغرب منة إزاي الفول بحبة كاملة و كمان المية بتاعتة كريمي مش سائلة زي المية و هو ده السر إلي قالة الراجل بتاع عربية الفول ... أي خدمة
و خلاص كدة عملتي ألذ و أروع فول مدمس بيتي بسر و مهارة عربية فول العربية
و كيسي الفول في أكياس بالكمية إلي هتستخدميها في كل مرة و فرزينيها في الفريز لحين الإستخدام .... و كدة بقي أنضف و أضمن و اصح ليكي و لي أسرتك ...
و ظبطي إنتي الفول بقي بالتتبيلة علي مزاجك و إعملي بيه ألذ سندوتشات فول و يسلام بقي لو بالعيش الشامي البيتي
و بالهنا والشفا
تعليقات: 0
إرسال تعليق