مكعبات مرقة الدجاج من الحاجات اللي معظمنا مش بيستغتي عنها والحقيقه بتدي طعم ونكهه حلوه للاكل
وطبعا لها اضرار كتير عشان المواد الحافظه اللي فيها
دورت ع النت علي طرق لعمل بدايل لمكعبات المرقه ولا قيت كذا طريقه
جمعت منهم طريقه وعجبتني وحبيت افيدكم بيها
==========•••••==========
١- في حله هنحط ٢ كوب شوربة دجاج مركزه بمعني تبقي تقيله مش خفيفه
ومعاهم هنحط مكعبين طماطم و ورق كزبره وبقدونس وكرفس وفصين ثوم وبصله صغننه ومعلقه كاري ونص بابريكا ومعلقه توابل مشكله
واسيبهم يغلوا شويه لخد ما ورق الخضار يستوي تمام والبصل والثوم
٢- في قلايه حطيت ٢ معلقه زيت +٢ م دقيق وقلبت لحد ما الزيت اختفي وقلبت تاني لحد ما الدقيق لونه بقي بني فاتح
٣- حطيت الشوربه ع الدقيق وقلبت تفس فكره البيشاميل واقلب لحد كا الاقي القوام بقي تقيل
٤- اسيبه يبرد شويه وبعدين احطه ف الخلاط ومعاه معلقه صغيره بصل بودر وصوم بودر واضربه كويس يبقي ذي العدس تقريبا
٥- وزعته في مكعبات الفريزر ودخلته الفريزر عشان يجمد
او ممكن تحطيه ف علبه عاديه وتقطعيه لما يبرد
٦- بعد ما جمد كويس غلفت كل مكعب بفويل واحتفظت بيه في الفريزر وده ضروري لان ما فيش مواد حافظه تحافظ عليه
واطلع المكعب واستخدمه بسهوله
جربوه طعمه تحففه وريحته رهييبه
والاهم ان نظيف ومضمون وصحي
منقوول
"""""""""""""""""""""""
تعليقات: 0
إرسال تعليق