كيفية صنع شمعة من قشرة ليمونة
اخواتي، اليوم بغيت نشارك معاكم واحد الفكرة سبق لي وشفتها فواحد الموقع, كنتمنى تنال إعجابكم.
بالنسبة للمستلزمات: ليمونة ، شمع، قرنفل، جعبة دستيلو، عود اسنان.
كاناخدو الليمونة كانحيدو ليها الذاخل ديالها بمعلقة صغيرة, غير بالمهل
كاناخدو جوا دستيلو نديرو بيه ثقابي فالفوقي دالقشرة دالليمونة ونخليو فراغات بين الثقابي. ونحطوها تنشف شوية.
فهاد الاثناء نديرو الشمع ليحيدنا منو الفتيلة فحمام مريم يدوب، ناخذو فتيلة ندخلوها لقشرة الليمونة ونذخلو فيها عود دالاسنان باش تبقى ثابتة ونصبو الشمع المذوب ونخليوه حتى يشد مزيان
نثبثو القرنفل بين الثقابي ليدرنا
إلى شاط ليكم شوية دالشمع المذوب خودو شي غلاقة غلفوها بورق الالومنيوم وصبوه عليها.
وهاهو الشكل النهائي
تعليقات: 0
إرسال تعليق